شعر شب یلدا به زبان ترکی

شعر شب یلدا به زبان ترکی

به مناسبت شب یلدا دو قطعه شعر به زبان ترکی از شاعران عزیز محمد حسین طهماسب پور شهرک و سعید سلیمان پور در ادامه آورده ایم که امیدواریم مورد پسند شما عزیزان باشد

شعر ترکی شب یلدا شماره یک :

 

دسته دسته گلیب گئدر

قوناقلار چیلله آخشامی

سحره دک قاش گؤز ائدر

چراغلار چیلله آخشامی

قاری ننه ناغیل دئییر

داغ، دره آغ دونون گئییر

یاناقلار گول دوداق غنچه

گلین لره گلر خونچا

تاباقلار چیلله آخشامی

هورولوبدی پنجره لر

دوزولوبدی شبچره لر

گئجه کئچر هئچ آچیلماز

یاتاقلار چیلله آخشامی

لبو حاضر پخله پیشیر

آش قئینه ییر قازان داشیر

کورسو ندن قورولماییر

اویناماقدان یورولماییر

اوشاقلار چیلله آخشامی

دینقیلداییر تار قاواللار

ایین لرده تیرمه شاللار

قیل و قالدی چال ها چالدی

هر ساعاتدا دول بوشالدی

اطاقلار چیلله آخشامی

دمله نیبدی یارپیز چایی

قیز اوغلانا قارپیز پایی

کیمسه یئمیشی خوشلاییر

قارپیزی کسیب قاشلاییر

پیچاقلار چیلله آخشامی

ساللانیبدی آسما اوزوم

ایرفلردن دوزوم دوزوم

سایاچی نی خوشلاندیریر

سینه لری آشلاندیریر

قویماقلار چیلله آخشامی

ایده کشمش نار دنه سی

گردکان فندوقون سسی

سفره لره گلمکده دی

آچیلماقدا گولمکده دی

دوداقلار چیلله آخشامی

 

شعر ترکی شب یلدا شماره دو:

 

چیلله گئجه سی یئتیشدی یولدان

فامیل توکولوبدی ســـــاغ و سولدان

مش قوربانعلی دوشوبدی قولـدان

دؤرد اللی یئییر جویــــز – میلاخ دان!

خاتین گـــــوز آغـــــاردیـری قیـــراخ دان!!

سئفرایه ائدیبدی حمله شئر تک

تئز تئز یئ ییری انار و پشمک

آجیللره هی ووروبدو پاتک

بئش قابی بوشالدیب اوسته – اوسته

تکجه سئچیری باداملا پوسته !

چون سینی ایچینده گلدی قارپیز

قوربان دئدی : گل بو سمته آی قیز!

قَش قَش یئدی قارپیزی آمانسیــــز

هیچ کیمسه آلانمادی الین نن

قارپیز سویی آخدی سققلین نن!

مجلس صاحابی سوسوب، قالیب واه!

گاهدان گولوری: دئییر ماشاللاه!

قلبینده دئییر ولی : آی آللاه!

دورد اللی بوجور یئمه ک نه ایشدی؟

واه واه بو کیشی نه گورمه میشدی!

بیر کیمسه یه وئرمیری ماجالی

تئز تئز سویور آلما – پرتقالی

تا که گؤرور ائو صاحاب بو حالی

هی چئینیری هیسله دیل دوداقین:

آی قارنی شیشه بوجور قوناقین!

ازبس یئدی، دالبادال چای ایشدی

قارقیش اوخی مقصده یتیشدی

تیخماق اثرین ده قارنی شیشدی

بیردن بیره ناله سی اوجالــدی

مجلس صاحابی خطایه قالدی!

آرواد دئدی : ای وای اؤلدی قوربان!

دور ماشینی فوری یاندیر اوغلان!

تا کـــــــــــــه آپـــــاراق مطبّه الآن

یئردن اونو قووزادی قوناقلار

آلدی بئلینه اوغول به ناچار

ایستیردی چیخا اتاق دان اوغلان

ائتدی الینن اشاره قوربان

گوردو آتاسی دئییر یاواشدان:

اوچ -دؤرد تیکه حالوا اولسا خوشدی

معده م دیه سن بیر آزجا بوشدی!!

شعر شماره یک از محمد حسین طهماسب پور شهرک (میرزا)

منبع: تحقیقستان

افشاگری,اخبار جدید,افشاگری نیوز,افشاگری روز,افشاگری جدید,افشاگری

همچنین ببینید

متن عالی برای شب قدر

متن عالی برای شب قدر

متن عالی برای شب قدر  شب های نوزدهم, بیست و یکم و بیست و سوم …

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *